Tŷ Cerdd a Chwmni Dawns Cenedlaethol Cymru yn lansio affricerdd: sef cyfleoedd cerdd a dawns i artistiaid o dras Affricanaidd

Mae Tŷ Cerdd (Canolfan Cerddoriaeth Cymru) a Chwmni Dawns Cenedlaethol Cymru – mewn partneriaeth â Phanel Cynghori Is-Sahara – yn cyhoeddi galwad i artistiaid dawns a chrewyr cerddoriaeth o dras Affricanaidd sy’n byw ac yn gweithio yng Nghymru.
 

Mae affricerdd Tŷ Cerdd yn llinyn i Tapestri, sef menter newydd (wedi’i hariannu gan raglen Cysylltu a Ffynnu Cyngor Celfyddydau Cymru) i greu archif gerddorol fyw o bobl, ieithoedd a chymunedau Cymru.

​

CYFLEOEDD AFFRICERDD

5 crëwr cerddoriaeth a 5 artist dawns i’w comisiynu i gydweithio ar 5 fideo gerddoriaeth wreiddiol.

Bydd crewyr cerddoriaeth o unrhyw genre cerddorol yn cael eu comisiynu i greu gwaith newydd (ar gyfer unrhyw gyfrwng cerddorol: offerynnol, electronig, etc). Bydd yr artist dawns yn coreograffu ac yn creu ffilm dawns i’r gwaith cerddorol.
 

Y ffi comisiwn i bob un o’r 10 artist fydd yn cymryd rhan yw £1,000

– a hynny i gynnwys unrhyw gostau cysylltiedig (e.e. perfformwyr; technegol, etc)

​

Cȃn: affricerdd

Caiff 5 crëwr cerddoriaeth o unrhyw genre cerddorol eu comisiynu i gyfansoddi cân newydd (mewn unrhyw iaith), ac i greu fideo gerddoriaeth o’r gwaith newydd.
 

Y ffi comisiwn i bob un o’r 5 artist fydd yn cymryd rhan yw £1,000

(Sylwer: mae bwrsariaeth ychwanegol o hyd at £250 yr un ar gael tuag at gostau recordio/fideograffeg.)

​

SUT I YMGEISIO

crewyr cerddoriaeth
Ceisiadau dros e-bost i ymholiadau@tycerdd.org a rhaid iddynt gynnwys:

• Enw / oedran / cyfeiriad / cyfeiriad e-bost (rhaid i chi fod o dras Affricanaidd i fod yn gymwys i’r cyfle hwn) 

• Paragraff ynghylch pam fod y cyfle hwn o ddiddordeb i chi

• 2 ddolen i’ch cerddoriaeth (sylwer: unrhyw arddull neu raddfa cerddoriaeth; nid oes raid iddo fod wedi’i recordio’n broffesiynol)

• Croesawir ceisiadau ar fideo hefyd (yn hytrach nag yn ysgrifenedig). Yn eich cais ar fideo (dim hirach na 5 munud), trafodwch y pwyntiau bwled uchod ac atodwch y fideo i’ch e-bost 

• Sylwer: rhaid i ymgeiswyr fod ar gael ar gyfer sesiwn grŵp dechreuol – ddydd Mawrth 7 Medi am 11:00

​

artistiaid dawns
Ceisiadau dros e-bost i saoirse@ndcwales.co.uk  a rhaid iddynt gynnwys:

• Enw / oedran / cyfeiriad / cyfeiriad e-bost

• Paragraff ynghylch pam fod y cyfle hwn o ddiddordeb i chi

• Paragraff am eich ymarfer a’ch profiad dawnsio hyd yn hyn

• Croesawir ceisiadau ar fideo hefyd (yn hytrach nag yn ysgrifenedig). Yn eich cais ar fideo (dim hirach na 5 munud) trafodwch y pwyntiau bwled uchod ac atodwch y fideo i’ch e-bost 

• Sylwer: rhaid i ymgeiswyr fod ar gael ar gyfer sesiwn grŵp dechreuol – ddydd Mawrth 7 Medi am 11:00

paneli dewis

​

Plethu: affricerdd dewis crewyr cerddoriaeth​

• Fadhili Maghiya (Cyfarwyddwr, Panel Cynghori Is-Sahara)

• Deborah Keyser (Cyfarwyddwr, Tŷ Cerdd)

• Ben Wright (Ymgynghorydd Arweinyddiaeth Artistig, Cwmni Dawns Cenedlaethol Cymru)

• Steph Power (Cadeirydd Tŷ Cerdd)

​​

Plethu: affricerdd dewis artistiaid-dawns 

• Ben Wright (Ymgynghorydd Arweinyddiaeth Artistig, Cwmni Dawns Cenedlaethol Cymru)

• Fadhili Maghiya (Cyfarwyddwr, Panel Cynghori Is-Sahara)

• Deborah Keyser (Cyfarwyddwr, Tŷ Cerdd)

• Martin Hylton (artist dawns; Ymddiriedolwr Cwmni Dawns Cenedlaethol Cymru)

​​

Cȃn: affricerdd dewis crewyr cerddoriaeth

• Steph Power (Cadeirydd Tŷ Cerdd)

• Fadhili Maghiya (Cyfarwyddwr, Panel Cynghori Is-Sahara)

• Deborah Keyser (Cyfarwyddwr, Tŷ Cerdd)

​​

AMSERLEN

• Dyddiad olaf derbyn ceisiadau: Dydd Llun 23 Awst, 10:00

• Rhoi gwybod i’r ymgeiswyr llwyddiannus: wythnos yn
  dechrau 31 Awst

• Sesiwn grŵp dechreuol: dydd Mawrth 7 Medi, 11:00

​

YMHOLIADAU​

Os oes gennych ymholiad neu os hoffech drafod eich cais, cysylltwch â’r canlynol:

• ar gyfer crewyr  cerddoriaeth: shakira.mahabir@tycerdd.org

• ar gyfer artistiaid dawns: saoirse@ndcwales.co.uk

​​

​