Manylion a dyddiad cau ceisiadau
 

SEFYDLIADAU

Mae 3 bwrsari £500 ar gael. E-bostiwch Jodi Voyle gan ateb y cwestiynau canlynol erbyn 10yb ddydd Gwener 25 Mawrth (DS: mae ceisiadau fideo hefyd yn cael eu derbyn – anfonwch eich fideo heb fod yn hirach na 5 munud gan drafod y pwyntiau bwled isod)

• Enw, cyfeiriad, gwefan/enwau cyfryngau cymdeithasol y sefydliad

• Manylion y person a fyddai’n mynychu’r digwyddiad: enw, swydd, cyfeiriad e-bost, rhif ffôn symudol.

• Disgrifiad byr o waith y sefydliad (hyd at 100 o eiriau)

• Ydych chi neu’ch sefydliad wedi mynychu Classical:NEXT o’r blaen? Os do, beth oedd y canlyniadau? (hyd at 100 o eiriau)

• Beth fyddai’ch nodau wrth fynychu’r digwyddiad yn 2022? (hyd at 200 o eiriau)

• Rydyn ni’n gofyn i bob un o’r 3 sefydliad sy’n cael ei gefnogi fod “yn fydi” ag artist a gefnogir yn y cyfnod yn arwain at ac yn ystod y digwyddiad yn Hannover. Cadarnhewch eich bod yn barod i wneud hynny.

UNIGOLION

Mae 3 bwrsari £1,000 ar gael. E-bostiwch Jodi Voyle gan ateb y cwestiynau canlynol erbyn 10yb ddydd Gwener 25 Mawrth (DS: mae ceisiadau fideo hefyd yn cael eu derbyn - anfonwch eich fideo heb fod yn hirach na 5 munud gan drafod y pwyntiau bwled isod)

• Enw, cyfeiriad, cyfeiriad e-bost, rhif ffôn symudol, gwefan, enwau cyfryngau cymdeithasol

• Disgrifiad byr o’ch gwaith (hyd at 100 o eiriau) a 2 ddolen sain/glyweledol â’ch cerddoriaeth

• Ydych chi wedi mynychu Classical: NEXT o’r blaen? Os do, beth oedd y canlyniadau? (hyd at 100 o eiriau)

• Beth fyddai’ch nodau wrth fynychu digwyddiad 2022? (hyd at 200 o eiriau)

• Rydyn ni’n gofyn i bob un o’r 3 sefydliad sy’n cael ei gefnogi fod ‘yn fydi’ gydag artist a gefnogir yn y cyfnod yn arwain at ac yn ystod y digwyddiad yn Hannover. Cadarnhewch eich bod yn fodlon cael eich paru fel hyn.

Nodiadau i ymgeiswyr

• Genre: Mae Classical:NEXT yn cwmpasu amrywiaeth artistig eang ac mae ceisiadau gan artistiaid/sefydliadau o ymylon allanol y genre yn cael eu croesawu (e.e. jazz, arbrofol, electronig)

• Cydraddoldeb, amrywiaeth a chynhwysiant: Rydyn ni’n awyddus i dderbyn ceisiadau gan unigolion sy’n cael eu tangynrychioli  / wedi eu hesgeuluso neu eu cau allan o gymuned y celfyddydau, gan groesawu’n arbennig geisiadau gan bobl anabl, pobl Dduon, Asiaidd ac ethnig-amrywiol, pobl LGBTQ+ a phobl o gefndiroedd economaidd-gymdeithasol is.

• Ymholiadau: Os oes gynnoch chi unrhyw ymholiadau ac am drafod y posibilrwydd o wneud cais, e-bostiwch  Jodi Voyle a gallwn drefnu sgwrs dros y ffôn.

• Panel: Deborah Keyser (Tŷ Cerdd), Jonathan Grimes (Y Ganolfan Cerddoriaeth Gyfoes, Iwerddon), Kiddus Murrell (Tŷ Cerdd), Suzanne Griffiths-Rees (Cyngor Celfyddydau Cymru)

• Amserlen:  Rhoddir gwybod i bob ymgeisydd ynglŷn â’r penderfyniadau erbyn 30 Mawrth