Yn sgil dyfarniadau ariannol gan Gyngor Celfyddydau Cymru, Sefydliad PRS ac Ymddiriedolaeth RVW, mae Tŷ Cerdd yn cyhoeddi rhan nesaf CoDi, sef ei rhaglen barhaus sy’n cefnogi datblygiad cyfansoddwyr a gwneuthurwyr cerddoriaeth.  

 

Mae’r rhaglen ddiweddaraf yn cynnwys: 

 

• CoDi Hunan – cyfnodau encilio creadigol traws-genre i 8 o wneuthurwyr cerddoriaeth i archwilio eu hymarfer artistig eu hunain drwy gydweithio â charfan amrywiol o 6 artist

​​

• CoDi Arwain – llwybr cerddoriaeth siambr dan arweiniad pobl anabl ar gyfer 6 chyfansoddwr, gan weithio gyda 5 artist anabl  

​​

• CoDi Mentoriaid – rhaglen mentora ar gyfer gwneuthurwyr cerddoriaeth yng Nghymru

​​

• CoDi Dan Ddaear – ymestyn a datblygu’r rhwydwaith cenedlaethol hwn o artistiaid sain a gwneuthurwyr cerdd sy’n gweithio â cherddoriaeth anghonfensiynol: cronfa ddata artistiaid, digwyddiadau rheolaidd, a llinyn newydd o bodlediadau

​​

• CoDi Rhyngweithio – asgwrn cefn CoDi yw’r llinyn canolog o gefnogi cyfansoddwyr, gyda gweithdai ar-lein ac mewn person, rhannu gwybodaeth a rhwydweithio

​​

 

Galwad i wneuthurwyr cerddoriaeth yng Nghymru*

*Os ydych chi’n byw yng Nghymru (ac wedi gwneud hynny ers o leiaf blwyddyn) ac rydych chi’n creu cerddoriaeth wreiddiol, yna rydych chi’n wneuthurwr cerddoriaeth Cymreig!

 

Mae’r rhaglen yn dechrau gyda galwad i artistiaid ar gyfer y ddau lwybr creadigol, a’r dyddiad cau yw dydd Gwener 10 Rhagfyr: 

  

CoDi Hunan

Yn ystod dau gyfnod o encilio artistig, bydd 6 artist arweiniol o Gymru a thu hwnt – gan ddod ag ystod o genres, cefndiroedd a phrofiad byw gyda nhw – yn cefnogi 8 gwneuthurwr cerddoriaeth i archwilio eu hymarfer artistig eu hunain drwy gydweithio.  GWYBODAETH LLAWN

​

CoDi Arwain

Mae CoDi Arwain yn rhoi artistiaid anabl wrth y llyw, gyda’r llwybr cerddoriaeth siambr hwn dan arweiniad pobl anabl. GWYBODAETH LLAWN

​

​

​