Mae fy nghyfansoddiad ar gyfer yr organ yn Soar wedi'i ysbrydoli gan yr iaith lafar. Rwyf wedi defnyddio rhythmau ac ymadroddion y dafodiaith leol i ffurfio siapiau melodig a rhythmig y darn hwn. Roeddwn i eisiau ysgrifennu rhywbeth y gallwn uniaethu ag ef, gan fy mod yn dodo Ferthyr Tudful ac wedi fy magu yn Aberfan. Defnyddiais ddau brif syniad digrif yn sail i'r cyfansoddiad. Y cyntaf oedd fy mam yn dweud wrtha i gartref, 'What you on about mun?'; a'r llall oedd gwraig a glywais yn dweud mewn archfarchnad 'four pound's four pound, init!' wrth son am y fargen roedd hi newydd ei rhoi i'w chwsmer. Mae'r ddau ymadrodd hyn yn enghraifft o'r iaith lafar a ddefnyddir yn yr ardal, a minnau wedi'u plethu i sail y cyfansoddiad hwn i'w chwarae ar yr organ. Cymerais y ddau ymadrodd a thrawsgrifio'r rhythmau a'r traw. Yna fe'u defnyddiais i fod yn brif themau'r darn gan fynd ati'n gyson i ddatblygu'r syniadau a mynd a nhw drwy fydoedd rhythmig a thonyddol gwahanol. Drwy gydol y cyfansoddiad mae llawer o olau a chysgod. Hoffwn feddwl bod y gerddoriaeth yn adlewyrchu'r dylanwadau amrywiol sydd wedi bod arnaf, yn deillio o fy nghefndir jazz a chlasurol. Rwyf hefyd wedi ceisio defnyddio cerddoriaeth leol fel ffynhonnell ysbrydoliaeth ac wedi astudio llawer o gerddoriaeth organ hanesyddol a chyfoes. Credaf fad yr organ yn cael ei hanwybyddu braidd y dyddiau hyn, ond mae'n offeryn sain gwych sy'n cynnig gwead ac ansawdd niferus a gwahanol. Rwyf wedi mwynhau dod i adnabod yr offeryn hwn yn fawr iawn ac rwy'n meddwl wrth symud ymlaen y bydd yr organ bib yn rhywbeth yr hoffwn ei astudio'n ddyfnach a'i ddefnyddio ymhellach yn fy ngherddoriaeth fy hun. Cefais fy ngeni ym Merthyr Tudful ac yn chwarae sawl offeryn (gitarau, allweddellau). Rwyf wedi bod ar y sTn gerddoriaeth yng Nghymru ers yn 15 oed, yn chwarae mewn bandiau amrywiol a hefyd yn arwain fy mhrosiectau fy hun. Rwy'n gerddor amryddawn sydd a meddwl agored iawn o ran fy ymdrechion creadigol. Fel cyfansoddwr brwd, ar hyn o bryd rwy'n chwarae ac yn ysgrifennu fy neunydd fy hun, yn ogystal ag yn drefnydd ac yn gerddor sesiwn. Mae gen i ddiddordeb arbennig mewn ysgrifennu ensemble, ond rwyf bob amser yn ceisio ehangu fy ngorwelion i ysgrifennu ar gyfer offerynnau newydd. Mae ystod eang o gerddoriaeth wedi dylanwadau arnaf, yn amrywio o gerddoriaeth Glasurol i fwy o gerddoriaeth jazz/byrfyfyr; mae cerddoriaeth Frank Zappa ymhlith y prif bethau sy'n fy ysbrydoli. Graddiais o Goleg Brenhinol Cerdd a Drama Cymru yn 2020 gydag Anrhydedd Dosbarth Cyntaf mewn astudiaethau Jazz ac rwyf bob amser yn ymdrechu i wella fy hun fel chwaraewr a chyfansoddwr.