Mae pobl yn aml yn dweud bod y Rhyngrwyd yn ein galluogi i gyfathrebu waeth beth fo’r pellter, ei fod yn dod â ni’n agosach at ein gilydd, unrhyw le, unrhyw bryd. I mi, fodd bynnag, daw hyn yn aml â ‘chysylltiad ansefydlog’: llais sy’n cael ei ystumio, ac wyneb nad yw byth yn symud ar y sgrin. Yn sicr, ni allaf gofio sawl gwaith yn fy mywyd y mae sgwrs ar y Rhyngrwyd wedi mynd yn llawn ‘Wei? Wei? Wei?’ cyson.

Yn debyg i ‘helô,’ ‘wei’ yw’r ffordd Tsieineaidd o gyfarch pan fydd sgwrs ffôn yn cychwyn. Yn amlwg, mae hefyd yn air i’w weiddi pan fyddwch yn ysu am glywed y person ar y pen arall. Wrth ddefnyddio’r gair hwn fel y prif ddeunydd, mae’r darn hwn yn deyrnged i’r holl amseroedd rhwystredig hynny rydym wedi’u treulio yn ffonio dros y rhyngrwyd ac yn ceisio cael sgwrs fideo.