CYFANSODDWR Y MIS

David John Roche

MEDI 2023

Un o gyfansoddwyr mwyaf egnïol, ysgogol a llwyddiannus o’r genhedlaeth iau yng Nghymru yw David John Roche. Wedi’i eni a’i fagu yn Nhredegar ym 1990, astudiodd ym Mhrifysgolion Caerdydd, Rhydychen a Chaergrawnt cyn mynd ymlaen i sefydlu ei hun fel cyfansoddwr cerddoriaeth gerddorfaol a siambr yn y DU a thramor.

Wedi’i ddylanwadu’n gryf gan heavy metal, cerddoriaeth gerddorfaol foethus, a’i gefndir dosbarth gweithiol Cymreig, mae cerddoriaeth David yn ‘uniongyrchol, penderfynol, a chryf!’ Mae wedi cael ei chanmol gan Thomas Adès am ei ddarnau ‘o rym mynegiannol dwys’, a ddisgrifiwyd gan BBC Introducing. Adam Walton yn 'odiaeth', ac wedi'i nodi gan Syr James Dyson i fod yn ‘feiddgar, cyffrous, a hardd’.

Mae gwaith David yn derbyn llif cyson o berfformiadau rhyngwladol, ac wedi’i ddarlledu i filiynau o bobl ledled y byd drwy Rai5, Tellebelluno, S4C, NHK, a’r BBC. Mae nifer cynyddol o gerddorfeydd yn perfformio ei sgoriau, gan gynnwys Cerddorfa Ffilharmonig Tokyo, Cerddorfa Genedlaethol Brasil, Dolomiti Symffonia, Ffilharmonig Fflorens, Prato Camerata, Cerddorfa Symffoni Zhejiang, Cerddorfa Orion, a Cherddorfa Genedlaethol Gymreig y BBC. Mae’r perfformiadau hyn wedi derbyn canmoliaeth feirniadol ac mae bron pob darn cerddorfaol y mae wedi’i gyfansoddi ers 2020 wedi mynd ymlaen i ennill un neu fwy o wobrau.