Ymunodd Matthew â Thŷ Cerdd yn 2005 fel Rheolwr Cerddoriaeth Ieuenctid, gan redeg gweithgareddau chwech o saith ensemble cenedlaethol ieuenctid Cymru. Ymhlith uchafbwyntiau’r cyfnod yma mae teithiau i Lwcsembwrg a’r Ariannin, recordiadau CD, ymddangosiadau mewn gwyliau a pherfformiadau ym Mhroms y BBC, yn ogystal â gweithio ochr yn ochr â’r arweinyddion Ben Gernon, Simon Toyne a Pete Harrison a’r cyfansoddwyr, Paul Mealor a Gareth Wood.

​

Mae Matthew yn dilyn gyrfa gerddorol bortffolio fel chwaraewr tiwba, athro ac arweinydd a hefyd yn gweithio fel ffotograffydd a dylunydd graffig. Astudiodd gerddoriaeth yng Ngholeg y Gofaint Aur, Prifysgol Llundain a’r Academi Gerdd Frenhinol a dysgwyd iddo chwarae’r tiwba gan James Gourlay a Patrick Harrild. Mae wedi gweithio’n llawrydd gyda cherddorfeydd ac ensembles ledled de Cymru a gorllewin Lloegr ac ar hyn o bryd ef yw prif chwaraewr tiwba Thames Fanfare Brass ac y Bristol Ensemble.

​

Mae gwaith addysg Matthew wedi cynnwys tiwtora gyda cherddorfeydd a bandiau ieuenctid megis Cerddorfa Chwyth Ieuenctid Caint a’r Gerddorfa Blant Genedlaethol. Mae’n arwain Pres Symffonig Sir Caerdydd a Bro Morgannwg er 1993 ac wedi bod yn gyfarwyddwr nifer o ensembles eraill gan gynnwys Cerddorfa Chwyth Adran Iau Coleg Brenhinol Cerdd a Drama Cymru a Band Chwyth Ysgolion Uwchradd Sir Caerdydd a Bro Morgannwg. Mae Matthew yn cynnal busnes addysgu preifat llwyddiannus gyda llawer o’i ddisgyblion yn sicrhau lleoedd yn ensembles cenedlaethol ieuenctid Cymru a Phrydain Fawr a nifer sylweddol yn mynd yn eu blaenau i astudio mewn ysgolion cerdd ac ymlaen wedyn i’r byd cerddora proffesiynol.