Cyfansoddwr o Gaerdydd yw Daniel Wyn Jones ac ymhlith ei ddiddordebau mae’r ddrama naturiol sy’n digwydd mewn cerddoriaeth ac wrth ei pherfformio. Gydag amrywiaeth fawr o gerddoriaeth boblogaidd a chlasurol yn dylanwadu arno, mae ei waith yn adlewyrchu’r diddordebau hyn gyda’i hymdeimlad cryf â chyflymder a’i hamrywiaeth o ran sain a theimlad ac mae’n pwysleisio’r ddrama sydd eisoes yn bodoli mewn cerddoriaeth drwy ymgorffori syniadau angherddorol. Mae’n tynnu’n drwm ar ddylanwadau disgyblaethau celfyddyd eraill, yn enwedig Theatr yr Abswrd, dawns fodern, celfyddyd gysyniadol a pherfformio ac amrywiaeth o lenyddiaeth glasurol o’r 20fed- a’r 21ain-ganrif.