Daw Niamh O’Donnell yn wreiddiol o Aberystwyth, ac ar hyn o bryd mae’n fyfyrwraig y drydedd flwyddyn yn astudio cyfansoddi yng Ngholeg Brenhinol Cerdd a Drama Cymru gan archwilio cerddoriaeth nodiant ac electroacwstig. Nid yw bod yn fyfyriwr wedi ei hatal rhag mentro i chwarae gydag ensembles a grwpiau y tu allan i’r coleg, a hithau wedi cyfansoddi ar gyfer Hermes Experiment, Triawd Gallos, Ensemble Berkeley ac aelodau dethol Cerddorfa Ieuenctid Genedlaethol Cymru o dan nawdd y cyfansoddwyr poblogaidd Mark Bowden, Lynne Plowman a Mark David Boden. Mae Niamh hefyd wedi creu gosodiadau digidol clyweledol ar gyfer Sinfonia Cymru, gan ddatblygu ei meddalwedd ei hun yn Max MSP a defnyddio rhaglenni fel QLab a Logic Pro X. Fel perfformiwr, mae Niamh wedi mwynhau canu’r piano mewn cynyrchiadau sy’n cynnwys ‘Hidden: Hinterland / Craith: Y Gwyll’ gan John Hardy Music, sef perfformiad byw mewn cyngerdd yn cyflwyno cerddoriaeth o ddramâu poblogaidd y BBC/S4C.