Mae Oli Richards AKA Goodparley yn creu seinluniau drôn arbrofol llawn naws gan ddefnyddio dolenni byrfyfyr ar y gitâr, synthesis lled-fodiwlaidd a MIDI a thrin a thrafod effeithiau byw pen bwrdd. Dros y 18 mis diwethaf, mae wedi rhyddhau saith albwm ar labeli casetiau a CDs tanddaearol mawr eu parch.

 

Mae gwaith Goodparley yn anelu at ddal cyflwr y ‘llif’ a darparu bydoedd sain seicedelig rhwng cwsg ac effro i wrandawyr ymlwybro drwyddynt mor weithredol neu oddefol ag y mynnont, gyda synau’n dod yn rhan o amgylchedd y gwrandäwr, boed yn y blaendir neu’r cefndir. Mae gwreiddiau cysyniadol dyfnach i’w albymau mwy diweddar, gan gynnwys cylch o doriad y wawr tan nos a chanllawiau maes didactig oes newydd ar fwynhau natur sy’n cael eu cyflwyno ar lafar.

 

Mae Oli hefyd yn chwarae yn y band roc-celf o Gaerdydd, Silent Forum, sydd wedi ymuno â Recordiau Libertino ac wedi’i enwebu ynghynt ar gyfer Gwobr Gerddoriaeth Cymru. Ar hyn o bryd mae’n recordio ail record hir gyda’r band gan weithio hefyd ar ei drac sain gwreiddiol cyntaf ar gyfer ffilm.