Rydyn ni am gynnig cyfle gyda chyflog i 10 o gyfansoddwyr / crewyr cerddoriaeth / artistiaid sain i gymryd rhan yn CoDI DIY – llwybr i artistiaid sydd heb gael addysg gerdd ôl-ysgol ffurfiol.
Mae croeso i geisiadau gan grewyr cerddoriaeth o unrhyw genre cerddorol. Bydd pob artist a ddetholir yn cael ei dywys drwy’r broses ddatblygu gan fentor arweiniol (a ddetholir i weddu steil yr artist) dros gyfres o weithdai a sesiynau stiwdio (Caerdydd a Bangor, ynghyd â lleoliad yng nghanolbarth Cymru o bosib).
Bwriedir mai penllanw’r prosiect fydd digwyddiad / perfformiad / rhannu syniadau / gweithdy tîm yng ngwanwyn 2021, er bydd yr union fanylion yn dibynnu ar ffactorau gan gynnwys diddordebau’r artistiaid cyfranogol a’r sefyllfa sy’n datblygu o ran Covid-19.
Yn goruchwylio’r llwybr ochr yn ochr â Thŷ Cerdd bydd Pwyll ap Siôn, artist arweiniol CoDI DIY, sy’n ben ar yr holl broses o baru crewyr cerddoriaeth a mentoriaid. Mae profiad Pwyll fel cyfansoddwr a cherddor yn helaeth – o bop i glasurol – ac erbyn hyn mae’n gweithio fel rhan o’r tîm yn Ysgol Gerdd Prifysgol Bangor.
YN YSTOD COVID-19
Oherwydd yr ansicrwydd a achosir gan Covid-19, bydd gofyn i Dŷ Cerdd a’r cyfranogwyr fod ag agwedd hyblyg ac arloesol tuag at y broses a’r cyflwyno. Bydd y gweithdai a’r ymgysylltu cychwynnol yn debygol o ddigwydd yn ddigidol, yn y gobaith yn y pen draw y gellir cynnal y gweithgarwch yn stiwdio Tŷ Cerdd yng Nghanolfan Mileniwm Cymru yng Nghaerdydd ac yn yr Ysgol Gerdd ym Mhrifysgol Bangor (gall cyfranogwyr ddewis y lleoliad agosaf iddynt a’n gobaith yw ychwanegu lleoliad yng nghanolbarth Cymru os bydd angen).
MANYLION CYFLWYNO A CHOMISIYNU
-
Ffi’r pen i’r cyfansoddwyr: £500 (i gynnwys treuliau a’r holl gostau)
-
Yn agored i grewyr cerddoriaeth Cymreig a rhai sy’n breswyl yng Nghymru. (At ddibenion y cynllun hwn, diffinnir crëwr cerddoriaeth sy’n breswyl yng Nghymru fel artist sy’n byw yng Nghymru ers 12 mis fan leiaf.)
-
Dylid gwneud cais drwy’r ffurflen (gweler gwaelod y dudalen hon) a CV, ynghyd ag anfon 2 enghraifft o’ch gwaith drwy ddolen SainGwmwl (peidiwch ag anfon ffeiliau sain atodedig).
-
Anogir yr ystod ehangaf bosibl o artistiaid i gyflwyno ceisiadau – rydyn ni eisiau sicrhau bod y cyfle yma’n hygyrch i bawb. Croesawn geisiadau drwy ddulliau eraill (e.e. ceisiadau fideo).
MYNEDIAD
Os oes unrhyw rwystrau rhag i chi wneud cais neu rhag cyfranogi yr hoffech siarad â ni amdanynt, cysylltwch â Deborah Keyser (deborah.keyser@tycerdd.org) a fydd yn falch o drafod unrhyw ymholiadau neu bryderon dros y ffôn, drwy e-bost neu alwad fideo.
PANEL DETHOL
-
Pwyll ap Siôn, artist arweiniol
-
Steph Power, cyfansoddwraig ac awdur; cadeirydd Tŷ Cerdd
-
Deborah Keyser, Cyfarwyddwr Tŷ Cerdd
AMSERLEN
-
Dyddiad cau ar gyfer ceisiadau wedi'i ymestyn: 5yp, dydd Llun 6 Gorffennaf
-
Hysbysu’r cyfranogwyr llwyddiannus: erbyn diwedd mis Gorffennaf
-
Adnoddau’n cael eu hanfon at y cyfranogwyr: diwedd mis Gorffennaf
-
Gweithdai cychwynnol: mis Medi
-
Y perfformiad olaf/recordio: gwanwyn 2021
Tŷ Cerdd is a PRS Foundation Talent Development Partner in association with Youth Music