Pwy all wneud cais?

Rhaid i geisiadau ddod gan sefydliadau/mudiadau/cymdeithasau – nid ydym yn gallu derbyn ceisiadau gan unigolion. (I gael rhagor o wybodaeth am gyllid i unigolion, gallwch edrych ar gyfleoedd CCC.)

 

Unrhyw sefydliad, o grwpiau gwirfoddol neu gymunedol i gyrff proffesiynol ac elusennau, cyhyd â bod gynnoch chi:

• dogfen lywodraethu / cyfansoddiad ysgrifenedig

• cyfrif banc

• o leiaf dau o bobl nad ydynt yn gysylltiedig ar eich corff llywodraethu (ni chaiff yr un person gael ei restru ar gyfer mwy nag un swydd ar y ffurflen)

​

Ni fyddwn yn derbyn ceisiadau gan:

• unigolion (i gael rhagor o wybodaeth am gyllid i unigolion, edrychwch ar gyfleoedd CCC – a chadwch lygad ar raglen CoDI Tŷ Cerdd)

• unig fasnachwyr

• sefydliadau er elw (er enghraifft, cwmni cyfyngedig drwy gyfranddaliadau)

• sefydliadau a leolir y tu allan i’r DU

• y naill sefydliad yn gwneud cais am gyllid ar ran un arall

​

Beth na allwn ei ariannu?

​

*canllawiau newydd*
O rownd Ebrill 2026 ymlaen, dim ond un cais y gallwn ei dderbyn ym mhob cyfnod o 12 mis gan unrhyw sefydliad/mudiad – ac eithrio ceisiadau Ymgysylltu sy’n gwneud gwaith a ariennir drwy Creu.

​

• gweithgareddau sy’n statudol neu a fydd yn cymryd lle cyllid statudol (e.e. gweithgareddau ar gwricwlwm ysgol neu sy’n digwydd yn ystod oriau gwersi ysgol)

• unrhyw weithgaredd neu wariant sy’n digwydd ynghynt na phum wythnos ar ôl dyddiad cau’r cais.
  DS: ni allwn ariannu gweithgaredd y mae tocynnau eisoes ar werth i’r cyhoedd ar ei gyfer

• ceisiadau nad ydynt yn cadw at y rheol newydd sy’n caniatáu un cais yn unig gan bob sefydliad/mudiad mewn unrhyw gyfnod o 12 mis, ac eithrio ceisiadau Ymgysylltu ar gyfer gwaith a ariennir drwy Creu

• unrhyw wariant cyfalaf (e.e. offerynnau, offer recordio, iwnifformau)

• gweithgareddau a anelir yn bennaf at gynulleidfaoedd y tu allan i Gymru

• ceisiadau am ariannu costau teithio’n unig

• ceisiadau am dalu costau gwneud recordiad masnachol yn unig

• costau staff presennol; gallwn dalu i unigolion gyflwyno gweithgareddau byrdymor

• gorbenion sefydliadol (er enghraifft, biliau cyfleustodau, y dreth gyngor, rhent ac yswiriant)

• gweithgarwch codi cyllid

• TAW adenilladwy

​

Blaenoriaethau ariannu

Bydd y panel am ariannu prosiectau sy’n cynnig cyfleoedd rhagorol i artistiaid / cyfranogwyr / cynulleidfaoedd a phrosiectau sy’n cyd-fynd â’n Conglfeini.

​

Yn ogystal, bydd y panel yn ystyried lledaeniad daearyddol a’r math o sefydliadau sy’n gwneud cais er mwyn gwneud yn siŵr bod ein harian yn cael ei dargedu mor eang â phosibl. Byddwn hefyd yn ystyried angen, gan geisio cyfeirio arian i’r mannau y bydd yn gwneud y gwahaniaeth mwyaf, a lle dangosir bod angen ariannol.

​

Yn ogystal â’r blaenoriaethau hyn, bydd y panel yn edrych ar ddosbarthiad daearyddol a math y sefydliadau sy’n gwneud cais i sicrhau bod ein harian yn cael ei dargedu mor eang â phosibl.

​

Pryd y gallwn wneud cais?

Ceir pedwar dyddiad cau y flwyddyn ar gyfer ceisiadau – ym mis Ionawr, Ebrill, Gorffennaf a Hydref; cyhoeddir yr union fanylion ar brif dudalen y Loteri YMA.

​

Sut i wneud cais?

Mae gennym system porth ar gyfer ein ceisiadau Creu, Ymgysylltu ac Ysbrydoli YMA. 

​

I wneud cais ar gyfer Creu / Ysbrydoli / Ymgysylltu, bydd angen i chi wneud y canlynol:

• Llenwi’r ffurflen gywir yn rhoi manylion am eich prosiect a llenwi’r ddogfen cyllideb a lleoliad 

• Llenwi’r ffurflen i’w lanlwytho i roi rhywfaint o wybodaeth ychwanegol am eich sefydliad/mudiad/cymdeithas a’ch prosiect

• Uwchlwytho eich ffurflen manylion y prosiet a’r gwybodaeth cyllideb a lleoliad

• Cyflwyno’ch cais.

​

▶ Ffurflen manylion y prosiect - Creu

​

▶ Ffurflen manylion y prosiect - Ymgysylltu/Ysbrydoli

​

▶ Gwybodaeth cyllideb a lleoliad

​

​

 

Cyn i chi wneud y cais, gwnewch yn siŵr fod y canlynol gennych:

• manylion am y sefydliad/mudiad rydych chi’n ei gofrestru (manylion cyswllt, dyddiad dechrau’r sefydliad/mudiad)

• manylion am y prosiect (enw, dyddiad dechrau, dyddiad dod i ben)

• manylion cysylltu ar gyfer eich prif gyswllt a’r person a fydd yn gyfreithiol gyfrifol am unrhyw gyllid

​​

Byddwch yn gallu dychwelyd at y ffurflen cyn ei gorffen oni bai eich bod yn defnyddio ffenestr pori preifat, fel modd Incognito ar Google Chrome. Rhaid i chi hefyd ddefnyddio’r un porwr a dyfais i fynd yn ôl at eich ffurflen.

​

Fel arall, mae croeso i chi anfon cais fideo aton ni. Ni ddylai’ch fideo bara mwy na 5 munud a rhaid iddo ateb yr un cwestiynau ag y gwna ceisiadau ysgrifenedig. Dylech ei chyflwyno drwy’r un porth ar-lein, gyda dogfen gyllideb a lleoliad wedi’i huwchlwytho ochr yn ochr â’r fideo. Os bydd angen help aelod o dîm Tŷ Cerdd i greu’r ddogfen gyllideb, cysylltwch â ni.

 

Eich cyllideb

Bydd angen i chi gyflwyno cyllideb, gan ddefnyddio’r templed uchod.

​

Ar frig y ffurflen gyllideb, bydd angen i chi roi gwybodaeth sylfaenol am gyllid eich sefydliad/mudiad, gan gynnwys canlyniadau eich blwyddyn ariannol ddiweddaraf ac unrhyw gronfeydd wrth gefn sydd gennych (nodyn: gallwch ddweud wrthym a yw’r rhain yn gronfeydd wrth gefn cyfyngedig neu rydd).

​

Mae’r gyllideb i gynnwys gwariant (costau ar gyfer cynnal y prosiect) ac incwm, a rhaid iddi fantoli (h.y. rhaid i gyfanswm cost y gwariant gyd-fynd â chyfanswm yr incwm). Ni allwn dderbyn cyllideb sy’n rhagweld elw neu golled.

​

Os yw eich sefydliad/mudiad wedi gwneud cais i gorff arall am gyllid ffurfiol tuag at y prosiect (megis sefydliad elusennol, ymddiriedolaeth ac ati) rhaid i chi ddatgan a yw’r cyllid hwn wedi’i gadarnhau ai peidio. Gall hyn gael effaith ar eich cais pan gaiff ei drafod yn y panel.

​

Dim ond hyd at 90% o gyfanswm costau’r prosiect y gallwn ei ariannu, felly bydd angen i chi ddangos bod 10% o’ch incwm yn dod o ffynonellau eraill (e.e. incwm drwy docynnau, eich cyllid eich hun, rhoddion). Sylwer: ni chaiff eich 10% o gyllid cyfatebol ddod o ffynonellau’r Loteri (gan gynnwys grantiau loteri CCC).

 

Ar gyfer cronfeydd Ymgysylltu ac Ysbrydoli, gall y 10% cyfatebol fod ar ffurf cymorth o fath arall. Cyfraniad i’ch prosiect sydd heb fod yn arian parod yw cymorth drwy nwyddau a gwasanaethau (e.e. canolfan yn cael ei chynnig am ddim). Nid yw hyn yn cynnwys adnoddau na gwasanaethau a ddarperir gan y sefydliad/mudiad sy’n gwneud cais. Rydym wedi creu adran ar wahân yn y gyllideb ar gyfer yr wybodaeth hon. Ar gyfer cronfa Creu, ni ellir defnyddio cyllid cyfatebol ar ffurf nwyddau a gwasanaethau tuag at ffioedd artistiaid.

​

Os oes angen help arnoch chi

Os oes angen cymorth o unrhyw fath gyda’ch cais, cysylltwch â funding@tycerdd.org neu ffonio

029 2063 5640 ac mi wnawn ni ein gorau i’ch helpu. 

​

Beth sy’n digwydd nesaf?

Rhown ni wybod i chi beth yw ein penderfyniad o fewn pum wythnos o ddyddiad cau’r ceisiadau.

​

Os yw’ch cais yn aflwyddiannus, rhown ni wybod i chi pam.

​

Os byddwn yn cynnig cyllid i chi, mi wnawn ni gysylltu â chi drwy e-bost gan roi manylion unrhyw amodau sydd i’r grant (lle bo’n berthnasol). Rhaid i chi ddychwelyd y cytundeb i ni o fewn 28 diwrnod o dderbyn yr e-bost, ynghyd â chadarnhad y gallwch gyflawni unrhyw amodau. Yn sgil hynny byddwn yn rhyddhau 75% o’r cyllid i chi.

​

Wrth i’ch prosiect ddod yn nes at gael ei orffen, anfonwn atoch chi adroddiad prosiect i’w gwblhau sy’n ein helpu i ganfod sut aeth pethau, beth oedd yn gweithio a beth oedd ddim yn gweithio, a beth oedd y canlyniadau. Bydd taliad 25% olaf eich grant yn cael ei ryddhau ar ôl i’r adroddiad gael ei gymeradwyo a rhown ni wybod i chi unwaith i’r taliad gael ei wneud. 

​

Nodyn i ymgeiswyr CREU llwyddiannus: dylech ddychwelyd yr adroddiad cwblhau aton ni cyn gynted ag y bydd eich crëwr cerddoriaeth wedi cyflwyno ei sgôr neu wedi gorffen ei waith (yn hytrach nag aros tan ar ôl y perfformiad cyntaf), i sicrhau bod y crëwr cerddoriaeth yn derbyn y taliad llawn cyn gynted ag y bo modd.

​

​​

▶ Dyddiad(au) cau ar gyfer rowndiau nesaf

​

​▶ Telerau ac amodau

​

▶ Grantiau Loteri

​

▶ Creu

​

▶ Ymgysylltu

​

▶ Ysbrydoli

​

▶ Llunio cais cryf am gyllid

​

​