Ar hyn of bryd mae'r cynnwys hwn ar gael yn Saesneg yn unig.
Ar hyn of bryd mae'r cynnwys hwn ar gael yn Saesneg yn unig.
Ar hyn of bryd mae'r cynnwys hwn ar gael yn Saesneg yn unig.
hyrwyddo a dathlu cerddoriaeth Cymru
promoting and celebrating the music of Wales
+44 (0)29 2063 5640
.png)
Menter Celfyddydau ac Iechyd yn comisiynu carfan o artistiaid i wneud gosodiadau cerddoriaeth a sain bwrpasol ar gyfer y capel aml-ffydd yn Ysbyty Prifysgol Grange yn Llanfrechfa. Ariannwyd gan Fwrdd Iechyd Prifysgol Aneurin Bevan, mewn cydweithrediad â Studio Response.
Leona Jones
Sound of the Breeze,
Song of the Waves
.png)
Mae gwaith arbrofol Leona Jones yn seiliedig ar sain ac mae’n defnyddio ei recordiadau ei hun i greu seinluniau haniaethol fel digwyddiadau / perfformiadau / gosodweithiau safle-ymatebol sy’n amlygu corffolrwydd a chyd-destun. Mae’n rhoi ystyriaeth i sain yn ôl ei ddiffiniad ehangaf (gan gynnwys iaith lafar ac ysgrifenedig) a’i gysylltiadau symbiotig â gofod a symud. Mae cydweithio ar draws disgyblaethau’n ganolog i’w gwaith ac mae wedi gweithio â cherddorion, dawnswyr ac artistiaid gweledol. https://www.leonajones.co.uk/
Gwrandewch ar 'Sound of the Breeze, Song of the Waves'...
Sound of the Breeze, Song of the Waves – nodyn cyfansoddwr
Pobl sydd ar ganol y prosiect yma – yn y gofod amlffydd, yr ysbyty ac wrth gwrs, mewn unrhyw gymuned. Mae pobl yn amrywiol, mae ganddyn nhw lawer o sgiliau a diddordebau ac o’r cychwyn cyntaf, roeddwn i am ddod â phobl at ei gilydd na fyddai fel arfer yn cwrdd. I ddechrau, roeddwn i’n gobeithio cynnal gweithdai ymarferol i gerddorion gwirfoddol i greu ymateb seiliedig ar sain a sensitif i’r gofod dan sylw. Wrth gwrs, dim ond un o’r syniadau oedd gweithdai ymarferol y bu’n rhaid iddyn nhw newid oherwydd y pandemig cynyddol.
Gan fod y gofod amlffydd i’r prosiect yn dal i gael ei adeiladu pan ddechreuodd y gwaith, mi drefnais ymweliad â’r capel yn Ysbyty Brenhinol Gwent a chwrdd â chaplaniaid y bwrdd iechyd, rhywbeth a’m helpodd wrth ddychmygu ymateb, ond mi sylweddolais hefyd eu bod i gyd â lleisiau llafar hyfryd. Gofynnais gael gwneud recordiadau sain o bob un ohonyn nhw’n darllen darn ysgrifenedig oedd yn golygu rhywbeth iddyn nhw. Y canlyniad oedd detholiad amrywiol o farddoniaeth a rhyddiaith, seciwlar a chrefyddol, yn y Saesneg, Arabeg a Bengaleg a fyddai’n cael ei ddefnyddio wrth weithio gyda’r cerddorion. Roedd angen i mi gael hyd i gerddorion oedd yn barod i fentro, yn fodlon rhoi cynnig ar rywbeth newydd, i fod yn rhan o broses lle na fyddai neb yn sicr ynglÅ·n â’r diwedd. Ro’n i hefyd yn chwilio am bobl oedd yn empathig iawn ac yn deall sut gallai eu cerddoriaeth ymestyn allan i bobl. Ni fyddai unrhyw sgôr ysgrifenedig, dim byd yn gywir nac yn anghywir, oherwydd y byddwn i’n gofyn iddynt fyrfyfyrio. Mi wnes i ganolbwyntio ar offerynnau oedd yn defnyddio’r anadl oherwydd bod tarddiad y gair ‘inspire’ yn Saesneg yr un fath â ‘breath’. I gael hyd i’r cerddorion mi gysylltais â cherddorfeydd cymunedol a chanolfannau celfyddydau yng Ngwent ac ni allasai’r grŵp a ddeilliodd o hyn – pump o gerddorion yn chwarae saith offeryn rhyngddyn nhw – wedi bod yn well. Er ei bod yn amhosibl i ni gwrdd yn y cnawd, fe wnaethon nhw i gyd goleddu ethos y prosiect, gan weithio’n unigol heblaw am y cyfarfodydd Zoom.
Y canlyniad oedd amrywiaeth hardd o fyrfyfyrdodau a gafodd eu recordio ac mi wnes i eu golygu i greu’r seinlun.
Mae’r darn yn canolbwyntio ar ddefnyddio
anadl mewn cerddoriaeth – llun gan Leona
Mae recordiadau unigol yr offerynwyr chwyth
yn cael eu cymysgu a’u plethu – llun gan Leona
Mae gen i barch aruthrol at y bobl a roddodd o’u hamser a’u sgiliau i’r prosiect hwn. Roedd y caplaniaid yn hapus cymryd rhan yn gynnar iawn yn y prosiect, pan oeddwn i’n dal i fod yn ansicr pa rôl y gallai eu recordiadau ei chwarae ond yn teimlo’n reddfol mai un ddigon pwysig fyddai hi. Ymatebodd y cerddorion i gymaint o heriau - roedd y rhan fwyaf heb fyrfyfyrio o’r blaen gan gyfaddef eu bod yn nerfus amdano. Fodd bynnag, aethon nhw i gyd yn eu blaenau i weithio heb nodiant, rhai ohonyn nhw’n creu sgorau graffig hyd yn oed ar gyfer eu creadigaethau eu hunain, gan ganfod y gerddoriaeth yn y gair llafar a synau yn yr amgylchedd ac yn dangos eu hempathi â sefyllfaoedd y bobl a fydd yn defnyddio’r gofod. Mae hi wedi bod yn siwrnai, yn dipyn o gamp i bawb a ymgymerodd â hi ac rydyn ni i gyd yn siŵr ein bod wedi ennill rhywbeth arbennig iawn drwyddo.
Y cerddorion gwirfoddol yw: Rod Paton, Clare Parry-Jones, Mandy Leung, Peter Geraghty & Abby Charles.
Siaradodd Leona â ni am ei dull o arwain byrfyfyrwyr a phwysigrwydd ymgysylltu â'r gwrandäwr.
