Cerddoriaeth a Hil yng Nghymru

Ers blynyddoedd lawer mae Cymru yn gartref i gymunedau lu sy’n amrywiol o ran eu diwylliant a’u hethnigrwydd ac sydd wedi parhau i ddylanwadu ar gelfyddyd a cherddoriaeth Gymreig a’u siapio. Yn hanesyddol, mae artistiaid Cymreig o liw wedi wynebu rhagfarn a chamwahaniaethu sydd wedi eu hatal rhag sicrhau cydnabyddiaeth yn y brif ffrwd. Wedi’i leoli ym Mae Caerdydd, un o’r ardaloedd cyfoethocaf a mwyaf amrywiol yn ddiwylliannol yng Nghymru, mae Tŷ Cerdd yn ymrwymedig i ddwyn y sbotolau ar artistiaid Cymreig o liw o bob cwr o’r wlad a’u grymuso drwy bob cyfnod o’u gyrfaoedd.

O dan ambarél Cerddoriaeth a Hil yng Nghymru, mae Tŷ Cerdd yn sbarduno strategaeth i sicrhau bod artistiaid o liw yn cael eu cynrychioli, eu cynnwys a’u cefnogi ar draws ein rhaglen.

Diwydiant Cerdd 101 – cyfres barhaus, dan arweiniad pobl o liw, o ddigwyddiadau hyfforddi / cefnogi / gwybodaeth i greadigwyr cerddoriaeth (mewn partneriaeth â FFOCWS Cymru a Forté a chyda chefnogaeth gan Sefydliad y PRS FOCUS Wales )

CoDi Cân – yn comisiynu pum cerddor ifanc (o dan 26 oed) o liw i gyfansoddi a recordio caneuon Cymraeg gyda fideos cerddoriaeth – mentora gan Tumi Williams a Lily Beau (mewn partneriaeth â’r Eisteddfod Genedlaethol)

Comisiynau Affricerdd – yn comisiynu 10 artist o liw i ysgrifennu caneuon mewn unrhyw iaith, 5 ohonynt yn cael eu coreograffu (mewn cydweithrediad â Phanel Cynghori’r Is-Sahara a Chwmni Dawns Cenedlaethol Cymru)

Cerddoriaeth a Hil yng Nghymru – y rhaglen hyd yn hyn:

AWST - TACHWEDD 2020

Yn ystod 2020 – gyda chefnogaeth cyllid sefydlogi CCC – cynhaliodd Tŷ Cerdd gyfres o sgyrsiau ar-lein am Gerddoriaeth a Hil yng Nghymru, ar y cyd â Privilege Café (gofod trafod ysbrydoledig a grëwyd yn ystod COVID gan yr ymgyrchydd / gwneuthurydd newid Mymuna Soleman).

Yng ngofal Tumi Williams (cerddor, arweinydd gweithdai, aelod o fwrdd Tŷ Cerdd) a Mymuna Soleman, bu’r digwyddiadau’n creu gofod diogel a gonest i rannu profiadau, dysgu a thrafodaethau am rwystrau a datrysiadau.

RHAGFYR 2020 tan fis MAWRTH 2021

Parhaodd yr ymchwilio a’r trafod, gyda chymorth ariannol gan gynllun Cydrannu Cyngor Celfyddydau Cymru.

Dan arweiniad Dionne Bennett, Tumi Williams a Mymuna Soleman, aeth y prosiect yn ei flaen â’r gwaith a ddechreuwyd mewn cyfres o sgyrsiau ar-lein yng nghwmni artistiaid a chreadigwyr o liw.

Bu Dionne a Tumi yn gweithio gyda ni i ddatblygu sgyrsiau â sefydliadau yn y sector ar draws genres tra buon ni’n cydweithio â Mymuna Soleman ar gyfres o drafodaethau â sefydliadau cymunedol / lawr gwlad gan gynnwys grwpiau ffocws ac ar greu astudiaethau achos. > DIGWYDDIADAU'R GORFFENNOL

EBRILL 2021 ymlaen
Ochr yn ochr â’r ymrwymiad strategol parhaus i alluogi, cefnogi a chydweithio â mwy o artistiaid o liw, mae nifer o feysydd gweithgarwch targededig wedi dod i’r fei:

PAST EVENTS

DIGWYDDIADAU'R GORFFENNOL