Mae Tŷ Cerdd yn falch o gyhoeddi’r cyfansoddwyr a’r gweithiau sydd wedi’u dewis gan Adran Cymru yr ISCM (Cymdeithas Ryngwladol Cerddoriaeth Gyfoes) i gynrychioli Cymru yng Ngŵyl Diwrnodau Cerddoriaeth Newydd y Byd 2023 yr ISCM, a gynhelir yn Johannesburg a Cape Town, De Affrica, rhwng 24 Tachwedd a 3 Rhagfyr 2023.

Dewisodd panel Cymru chwe cyfansoddwr a gwaith cerddorol i fynd gerbron y rheithgor rhyngwladol:

​

Bethan Morgan-Williams

Voices Go With You (2021) ar gyfer ffliwt alto, soddgrwth, offerynnau taro, piano

​

"Mae’n anrhydedd cael fy newis i gynrychioli Cymru ar restr fer ISCM, unwaith eto. Mae’n golygu siawns y gallai fy narn, Voices Go With You, gael gwibdaith i Dde Affrica, a beth fyddai'r perfformiad cyntaf o fy ngherddoriaeth ar bridd Affrica. Cyffrous!"

​

Joseph Graydon

Ophelia (2022) ar gyfer ffidil a phiano

"Mae'r cyfle i fod ar y rhestr fer i gynrychioli Cymru yn ICSM 2023 yn golygu llawer iawn oherwydd y cyfle i arddangos gwaith diweddar i gynulleidfaoedd newydd yn y cyfnod cynnar hwn yn fy ngyrfa. Rwy’n gyffrous iawn i fod yn gweithio gyda Tŷ Cerdd ac yn dymuno pob lwc i’r cyfansoddwyr eraill ar y rhestr fer yn eu categorïau priodol."

​

Kiko Litang Shao

The leaf says… (2022) ar gyfer wythawd cymysg

​

"Rwyf wrth fy modd i gael fy newis am y tro cyntaf fel un o chwe chyfansoddwr yr Adran Gymreig ISCM eleni. Mae ISCM yn llwyfan gwych i roi cyfle anhygoel i gwrdd â chyfansoddwyr amrywiol o bob rhan o’r byd ac i ddysgu mwy am wahanol fathau o gerddoriaeth gyfoes. Rwy’n teimlo’n hynod ddiolchgar fy mod wedi cael fy newis ar gyfer y rhestr fer hon. Diolch yn fawr iawn am y cyfle hwn."

​

Nathan James Dearden

i breathe (2021) ar gyfer côr SATB

​

"Mae i breathe yn dal lle arbennig iawn yn fy nghalon, gan ei fod yn adlewyrchu gwaith anhygoel cerddorion ifanc o bob rhan o’r wlad a’n hymwneud â’r tirweddau yr ydym yn caru ac amddiffyn. Mae’n anrhydedd i mi i weld y darn ar y rhestr fer i gynrychioli Cymru ar gyfer Diwrnodau Cerddoriaeth y Byd ISCM 2023, ac edrychaf ymlaen at barhau â’m perthynas â chymuned ISCM."

​

Richard Barrett

until you are that ghost (2022) ar gyfer soprano, ffliwt, clarinèt

​

"Y peth pwysicaf i mi am fy nghyfansoddiad yn cael ei gyflwyno i Ddiwrnod Cerddoriaeth y Byd ISCM yw fy mod i’n cynrychioli Cymru, a, gobeithio, ynghyd â’m cyd-enwebeion, yn helpu i bwysleisio bod gwaith cerddorion creadigol Cymreig yn perthyn i fforwm rhyngwladol fel hyn."

​

Richard McReynolds

12123 (2023) ar gyfer electroneg fyw

​

"Mae’n anrhydedd cael bod ar restr fer yr Adran Gymreig ISCM. O greu cerddoriaeth a digwyddiadau yng Nghymru oedd sut y daeth y darn hwn i fodolaeth, felly mae'n wych gallu hyrwyddo'r sin gerddoriaeth Gymraeg."

Bydd o leiaf un o’r chwe darn sydd yn ein cais cenedlaethol yn cael ei berfformio yn ystod yr ŵyl (gall y rheithgor rhyngwladol, fodd bynnag, ddewis mwy nag un).

​

Derbyniwyd dros 40 cais gan gyfansoddwyr Cymreig ac o Gymru, ar draws 12 categori. Disgwylir cyhoeddi’r gwaith a ddewisir i’w berfformio yn ystod y digwyddiad 10-diwrnod yn yr Haf. Bydd Gŵyl Diwrnodau Cerddoriaeth Newydd y Byd 2023 yn rhoi llwyfan pwysig i’r cyfansoddwr dethol, ac yn gyfle allweddol i broffil Cymru, ei chyfansoddwyr a’r maes cerddoriaeth newydd.

​

Cafodd y rheithgor eu synnu gan nifer ac ansawdd y ceisiadau a chan amrywiaeth yr arddull, gan roi cipolwg trawiadol ar yr ystod o waith sy’n cael ei lunio yng Nghymru, a thu hwnt, gan gyfansoddwyr a chrewyr cerddoriaeth Cymreig.

​

​

Adran Cymru’r ISCM
Mae ISCM Cymru yn bodoli er mwyn hyrwyddo amcanion yr ISCM, yng Nghymru ac mewn cydweithrediad ag adrannau Prydain, Iwerddon, Yr Alban ac adrannau rhyngwladol eraill. Nod y Gymdeithas yw hyrwyddo cerddoriaeth gyfoes a chodi’i phroffil cyhoeddus drwy rwydweithio effeithiol yn fyd-eang, cyfathrebu a hwyluso gweithgareddau amlochrog rhwng yr aelodau. Ei chenhadaeth yw:

​

• Codi proffil cerddoriaeth gyfoes drwy nerth torfol rhwydwaith byd-eang y Gymdeithas a chyfansoddiad ei haelodaeth.

• Hyrwyddo amlygu, perfformio ac ymchwilio i gerddoriaeth gyfoes drwy fentrau gan ei haelodaeth, yn ogystal â chydweithredu â chyrff cysylltiedig.

• Arddangos amrywiaeth cerddoriaeth gyfoes yn fyd-eang drwy Ŵyl Diwrnodau Cerddoriaeth Newydd y Byd