* Sylwer ein bod wedi diweddaru’r canllawiau ar gyfer y cronfeydd hyn ers gwanwyn 2026.

Darllenwch y wybodaeth yn ofalus.*

Drwy Creu, Ymgysylltu ac Ysbrydoli, mae Tŷ Cerdd yn dosbarthu grantiau bychain (o gyllid Loteri CCC) i alluogi creu cerddoriaeth o bob math ledled Cymru.

​

Gall sefydliadau/mudiadau/cymdeithasau wneud cais am grantiau o £250 i £2000 i gefnogi amrywiaeth o weithgareddau, o greu cerddoriaeth newydd a chael pobl mewn cymunedau i gymryd rhan, i weithdai, perfformiadau, a phrosiectau gyda phobl ifanc.

​

Dyma'r tri chynllun:

Creu

Cronfa i gefnogi creu cerddoriaeth newydd mewn unrhyw genre. Gallwch gomisiynu cyfansoddwr i lunio darn newydd i’ch grŵp, cydweithio fel band i greu repertoire newydd neu groesawu crëwr cerddoriaeth i fod yn artist preswyl.

Ymgysylltu

O weithdai, i berfformiadau, i gydweithrediadau cymunedol, mae Ymgysylltu yn eich cefnogi i gael cyfranogwyr a chymunedau yn rhan o greu cerddoriaeth.

Ysbrydoli

Pobl ifanc sy’n ganolog i’r cynllun hwn, ac mae Ysbrydoli yn ariannu creu cerddoriaeth gyda chyfranogwyr o dan 26 oed (neu o dan 31 ar gyfer cyfranogwyr anabl) ac o dan arweiniad hwy.

​

Blaenoriaethau ar gyfer ariannu

​

Bydd y panel am ariannu prosiectau sy’n cynnig cyfleoedd rhagorol i artistiaid / cyfranogwyr / cynulleidfaoedd a phrosiectau sy’n cyd-fynd â’n Conglfeini.

​

Yn ogystal, bydd y panel yn ystyried lledaeniad daearyddol a’r math o sefydliadau sy’n gwneud cais er mwyn gwneud yn siŵr bod ein harian yn cael ei dargedu mor eang â phosibl. Byddwn hefyd yn ystyried angen, gan geisio cyfeirio arian i’r mannau y bydd yn gwneud y gwahaniaeth mwyaf, a lle dangosir bod angen ariannol.