PAM NI?

• Gan mai ni yw Canolfan Gerdd Cymru, mae Tŷ Cerdd wedi ymrwymo i gefnogi a datblygu cerddoriaeth Gymreig newydd o bob math – wedi’i hatgyfnerthu gan ein mantra, “Os ydych chi’n gwneud cerddoriaeth yng Nghymru, mae’n gerddoriaeth Gymreig!”
   

• Cerddorfa Genedlaethol Gymreig y BBC yw’r gerddorfa symffoni genedlaethol, ac mae’n buddsoddi yn natblygiad cyfansoddwyr, yn enwedig drwy gynllun Cyfansoddi: Cymru y BBC, sef ei llwyfan datblygu artistiaid. Bydd y fersiwn nesaf o Cyfansoddi: Cymru ar waith yn gynnar yn 2026, ac mae’r galwad agored i artistiaid ar agor ar hyn o bryd.
   

• Lynne Plowman – cyfansoddwraig flaenllaw sy’n byw yng Nghymru. Caiff ei gwaith ei berfformio’n aml ar lwyfannau ledled y byd. Mae hi’n diwtor cyfansoddi yng Ngholeg Brenhinol Cerdd a Drama Cymru ac yn gyfansoddwr preswyl ar gyfer cynllun arloesol Cyfansoddwyr Ifanc Dyfed.

​

PWY SY'N GYMWYS

• mewn conservatoire, ac rydych yn awyddus i ddod â gwead cerddorfaol i’ch gwaith.

​

• Mae croeso i gyfansoddwyr o unrhyw genre cerddorol, er y byddwch yn gyfarwydd â nodiant cerddorol ac/neu’n ei ddefnyddio’n rheolaidd.
   

• Rydych chi’n grëwr cerddoriaeth o Gymru. Os ydych chi’n creu cerddoriaeth wreiddiol ac wedi bod yn byw yng Nghymru ers o leiaf blwyddyn (neu os cawsoch eich geni yng Nghymru ond yn byw yn rhywle arall), rydych chi’n gymwys. Bydd bwrsariaethau treuliau ar gael i artistiaid deithio o fewn Cymru. Sylwer: ni fyddwn yn talu treuliau teithio y tu allan i Gymru.

​

• Rhaid i chi fod ar gael i ymrwymo i’r dyddiadau sydd wedi’u trefnu ar gyfer y llwybr a rhaid mynychu yn y cnawd.

​

Os oes gennych ddiddordeb, ond mae gennych ambell gwestiwn…

…gallwn gael sgwrs â chi dros y ffôn neu ar Zoom. Anfonwch e-bost neu ffoniwch i drefnu sgwrs.

​

SUT I YMGEISIO

Byddwn yn gofyn i chi lanlwytho’r wybodaeth ganlynol ar ein PORTH ar-lein.

​

Sylwer: Rydym yn eich cynghori i baratoi a chadw’ch atebion mewn dogfen ar wahân o flaen llaw, gan na fyddwch yn gallu cadw’ch cais wrth ei lenwi ar y porth.

​

1. Manylion personol: eich enw, cyfeiriad e-bost, rhif ffôn symudol, cyfeiriad, ynghyd â chadarnhad eich bod dros 18 oed ac nad ydych wedi astudio cyfansoddi mewn prifysgol na chonservatoire (neu sefydliad arall ar ôl yr ysgol).

​

2. Dywedwch wrthym am eich gwaith: rhowch wybod beth rydych chi wrth eich bodd yn ei wneud fel artist/crëwr cerddoriaeth, a beth rydych chi wedi bod fwyaf balch ohono yn eich gwaith. (Dim mwy na 200 gair)

​

3. Pam hoffech chi fod yn rhan o’r llwybr hwn? Dywedwch wrthym beth yr hoffech chi ei ddysgu drwy’r llwybr hwn. Fel rhan o’ch ateb, esboniwch ychydig am eich gwybodaeth/profiad o ddefnyddio nodiant cerddorol. Efallai yr hoffech chi feddwl am y canlynol:

• Sut ydych chi’n gobeithio y bydd y cyfle hwn o fudd i’ch gwaith yn y tymor byr a’r tymor hir?

• Pam fod nawr yn amser da ar gyfer y cyfle hwn?

• Beth sy’n apelio atoch chi am weithio fel rhan o griw?

• Beth fydd offerynnau’r gerddorfa yn ei ychwanegu at eich ymarfer creadigol?

(dim mwy na 400 gair)

 

4. Enghreifftiau o’ch gwaith: plîs danfonwch ddolenni i ddau ddarn o'ch cerddoriaeth (sylwer: anfonwch ddolenni ac nid ffeiliau sain neu fideo; os oes angen help arnoch i greu dolenni, cysylltwch ag ymholiadau@tycerdd.org.)

​

5. Rhowch wybod os ydych angen unrhyw gymorth mynediad er mwyn eich galluogi i gymryd rhan yn y cyfle hwn. Rydym yn eich gwahodd i rannu a thrafod eich dogfen hygyrchedd a’ch gofynion mynediad gyda ni ar unrhyw adeg yn ystod y prosiect. Ni fydd y wybodaeth hon yn cael ei rhannu gyda’r panel. Os oes gennych unrhyw gwestiynau ynghylch mynediad neu ynghylch rhannu’r wybodaeth hon, anfonwch e-bost at ein Rheolwr Datblygu Artistiaid, Freya Dooley (freya.dooley@tycerdd.org).

 

Noder: rydym yn croesawu ceisiadau drwy fideo a sain hefyd. Recordiwch eich atebion i gwestiynau 2 a 3 uchod (hyd at 5 munud o hyd), a lanlwythwch ddolen i’ch recordiad, gan roi’r wybodaeth y gofynnwyd amdani yng nghwestiynau 1, 4 a 5 ar y ffurflen i’w lanlwytho.

Os oes angen help arnoch i greu dolen i’ch fideo, cysylltwch â Freya Dooley neu ymholiadau@tycerdd.org i gael cymorth.

​

YR AMSERLEN A'R BROSES

• Dyddiad cau ar gyfer ceisiadau: 12:00 canol dydd, dydd Mercher 6 Awst

• Bydd y panel yn cynnwys Lynne Plowman, Tom Elstob (crëwr cerddoriaeth; cyfranogwr blaenorol Llwybr i’r Gerddorfa) a Deborah Keyser (Tŷ Cerdd)

• Byddwn yn rhoi gwybod i chi am y canlyniad erbyn dydd Gwener 22 Awst.

​

Os oes gennych ddiddordeb, ond mae gennych ambell gwestiwn…

…gallwn gael sgwrs â chi dros y ffôn neu ar Zoom. Anfonwch e-bost at Freya Dooley neu ymholiadau@tycerdd.org i ni drefnu galwad ffôn. Rydym am gael gwared ar gymaint o rwystrau ag y gallwn – felly os oes unrhyw beth yr hoffech siarad â ni amdano, rhowch wybod i ni a byddwn yn ceisio helpu i ddod o hyd i ateb.