Daeth carfan o artistiaid at ei gilydd fel rhan o’i lwybr diweddaraf, CoDI Hunan i ddatblygu eu gwaith eu hunain drwy gydweithio ag eraill, yn ystod dwy encil dwys yn ystod gwanwyn 2022.

Llwyddodd galwad agored i ddenu dros 60 o geisiadau a detholwyd 9 o grewyr cerddoriaeth i gydweithio â thîm canolog hynod o 7 o artistiaid arweiniol, pob un yn cynhyrfu’r dyfroedd yn ei genre a’i faes ei hun.

Mae’r garfan o gyfranogwyr ac artistiaid arweiniol sy’n deillio o hyn yn adlewyrchu ystod o genres, oedrannau, ieithoedd a phrofiadau bywyd.

​

ARTISTIAID DETHOL

• Cantores-gyfansoddwraig yw Anna Arrieta sydd hefyd yn arbenigo mewn rheoli prosiectau yn y celfyddydau creadigol gyda phobl ifainc.

• Cyfansoddwr, chwaraewr bas a hwylusydd gweithdai yw Dan Swain.  Mae’n gweithio mewn ystod o genres ac yn chwarae bas gyda’r band 9Bach.

• Hunan arall y gantores amlgenre a rapwraig Thalia Ellice Richardson yw E11ICE y mae ei pherfformiadau creadigol yn amrywio o fandiau llawn i setiau acwstig moel.

• Prosiect Oli Richards yw Goodparley sy’n creu seicedelia drônio llawn naws drwy gymysgedd o fyrfyfyrio greddfol a chyfansoddi.

• Cantores-gyfansoddwraig caneuon sy’n byw yn y Barri yw Hannah Paloma. Mae’n chwarae’r iwcalili a’r piano ac yn gweithio’n helaeth gyda harmonïau lleisiol wedi’u haenu.

•  Rapiwr o’r Pil yng Nghasnewydd yw TRUTH (Isaac George) sydd ar hyn o bryd yn astudio Technoleg Gerddoriaeth yng Ngholeg Gwent ac yn gweithio i ddatblygu ei arddull cerddorol a geiriau ei ganeuon.

• Canwr-gyfansoddwr caneuon sy’n byw yng Nghaerdydd yw Joseph Gnagbo a ddaw’n wreiddiol o’r Traeth Ifori. Bydd yn cyfansoddi caneuon yn y Gymraeg, Saesneg, Ffrangeg, Almaeneg, Eidaleg a Swahili.

• Cantores-gyfansoddwraig caneuon a chynhyrchydd DIY yw Małgola, No o Wlad Pwyl sydd ar hyn o bryd yn byw yng Nghaerdydd ac yn gweithio ar draws ystod o arddulliau pop.

• Artist sy’n byw yn Ynys Môn yw SERA (Sarah Zyborska) sy’n cyfuno gwerin, pop ac Americana i greu caneuon dwyieithog sy’n adrodd stori.​

​